Gedişin təhlükəsizliyinə görə hər kəs məsuliyyət daşıyır

Sükan arxasında da, sərnişin oturacağında da olsanız, gediş zamanı təhlükəsizliyi qorumaq hamımızdan asılıdır. Aşağıda gediş zamanı təhlükəsizliyi qorumağa kömək edəcək məsləhətlər və başqa vacib qeydlərlə tanış ola bilərsiniz.

Avtomobil oturacaqları və uşaq təhlükəsizlik qurğuları

Uşaqlar uşaq oturacağında və ya yüksəldici oturacaqda əyləşməlidirlər. Sərnişinlər Bolt-da həmçinin Uşaq oturacağı kateqoriyasında (mövcud olduğu halda) gediş sifariş edə bilərlər.

Videoregistratorlar və səsyazma

Sürücülər yerli qanunvericiliyin icazə verdiyi hallarda gediş zamanı videoregistratordan istifadə edə bilərlər. Mümkün və yol verilən olduqda sərnişinlər və sürücülər tətbiqdaxili səsyazma alətlərindən istifadə etməyi seçə bilərlər.

Sürücünün diqqətini yayındırmaq

Sürücünün diqqətini yol üzərində cəmləşdirməsinə şərait yaradın, bu, qəzaların qarşısını ala bilər. Qəfil hərəkətlər, görüş sahəsini qapamaq, idarəetmə düymələrinə, sürücünün şəxsi əşyalarına toxunmaq və ya həddindən artıq səs-küy salmaq kimi sürücünün diqqətini yoldan yayındıra biləcək hərəkətlər etməyin.

Həddindən artıq səs-küy

Sərnişinlər sürücünün diqqətini yayındıra biləcək ucadan dinlənilən musiqi, qışqırıq və ya digər səslərdən yayınmalıdırlar. Sürücülər səsi təhlükəsiz səviyyədə saxlamalıdır. Sakitlik sürücünün diqqətini toplamasına kömək edə bilər.

Əlavə sərnişinlər

Sərnişinlər sərnişin sayına və baqaja uyğun nəqliyyat vasitəsinin sifariş edilməsinə cavabdehdirlər. Yalnız oturacaq sayı qədər insan gətirin. Təhlükəsiz gediş üçün hamıya kifayət qədər yer olmalıdır.

Baqaj

İri və ağır əşyaları nəqliyyat vasitəsinin baqajında uyğun yerə təhlükəsiz şəkildə yerləşdirin. Bu, baqajın nəqliyyat vasitəsinin salonuna zərər vurmaq ehtimalını azaldır. Baqaj görüş sahəsini qapadığı halda sürücü gedişdən imtina edə bilər.

Qapıların açılması

Qapını açmazdan əvvəl hər zaman velosipedçilərə və yol hərəkətinə diqqət yetirin. Qısa bir baxış bütün yol hərəkəti iştirakçılarını qoruyur. Xəsarət hallarının və ya əmlakın zədələnməsinin qarşısını almaq üçün qapını ehtiyatla və yalnız nəqliyyat vasitəsi dayandıqdan sonra açın.

Ev heyvanları

Əksər nəqliyyat vasitələrində ev heyvanları ilə getməyə icazə verilir. Ev heyvanlarını qəbul edən nəqliyyat vasitələrini tapmaq üçün "Ev heyvanı ilə" filtrindən istifadə edin. Ev heyvanını aparmaq üçün sərnişin sürücünün razılığını almalıdır. Ev heyvanlarınızı təhlükəsiz şəkildə daşımaq üçün onu daşınma qutusunda və ya qəfəsdə saxlayın və təhlükəsizlik kəməri ilə bərkidin.

Qarşılama qaydası

Sərnişinlər sürücü ilə təyin olunmuş qarşılama nöqtəsində görüşməli, nəqliyyat vasitəsinin qeydiyyat nömrəsini, modelini, sürücünün adını yoxlayaraq düzgün nəqliyyat vasitəsinə minməlidirlər. Sürücülər yalnız qanuni və təhlükəsiz yerlərdə dayanmalı, düzgün sərnişini götürdüklərini dəqiqləşdirməlidirlər. Mümkün olduqda, magistral yol, əsas yol, yol kəsişmələri və piyada keçidləri kimi təhlükəli yerlər qarşılama nöqtəsi olaraq seçilməməlidir.

Yol təhlükəsizliyi qaydaları

Yerli qanunlara və yol hərəkəti qaydalarına əməl etməmək başqaları üçün lazımsız təhlükəsizlik riski yaradır. Sürücülər hər zaman bütün yerli yol hərəkəti qaydalarına əməl etməlidir.

Təhlükəsizlik kəmərləri

Hər zaman təhlükəsizlik kəmərindən istifadə edin. Bu, həyatınızı xilas edə biləcək sadə bir addımdır.

Nəqliyyat vasitəsinə texniki qulluq və səliqə

Nəqliyyat vasitələri təhlükəsiz olmalı və sərnişin qəbul etməyə hazır vəziyyətdə saxlanmalıdır. Sürücülər əyləcləri, təkərləri və işıqları mütəmadi olaraq yoxlamalıdırlar.

Kimsə qaydaları pozsa, nə olur?

İcmamızın təhlükəsizliyinə ciddi yanaşırıq. Platforma şərtlərimizi pozan hər kəs Bolt platformasına girişdən məhrum ola bilər. Bəzi hərəkətlər yerli qanunları poza, bəziləri isə sadəcə istifadəçi təcrübəsinə zərər verə bilər. Davranış cinayət həddinə çatmasa belə, Bolt istifadəçinin platformaya girişini müvəqqəti dayandıra və ya onu platformadan kənarlaşdıra bilər.

Bu qaydaları pozan davranışla qarşılaşdıqda və ya belə hala şahid olduqda, Bolt tətbiqində məlumat verə bilərsiniz. Komandamız bütün bildirişləri nəzərdən keçirir və lazım olduqda tədbir görə bilər.

Şəxsi təhlükəsizlik

Sürücülərimizin və sərnişinlərimizin təhlükəsizliyi bizim üçün bir nömrəli prioritetdir.

Ətraflı

Hörmət və diqqət

Təhlükəsiz platformanın əsasını qarşılıqlı hörmət təşkil edir.

Ətraflı

Həqiqilik və dürüstlük

Etibarlılıq platformadan kimin istifadə etdiyini bilməyi tələb edir.

Ətraflı