Hər kəs özünü təhlükəsiz hiss etmək və xoş qarşılanmaq istəyir

Bolt-da istifadəçilərin təhlükəsizliyi bir nömrəli prioritetdir. Zərər riski yaradan və ya kiminsə özünü təhlükəsiz hiss etməməsinə səbəb olan davranışlar qəti qadağandır və bu, Bolt platformasına giriş imkanının itirilməsi ilə nəticələnə bilər. Bolt ilə gediş zamanı özünüzü təhlükəsiz hiss etmirsinizsə və ya hər hansı təhlükəsizlik insidenti ilə qarşılaşmısınızsa, tətbiqdəki fövqəladə halda yardım alətlərindən istifadə edin və bunu dərhal bizə bildirin.

Qeyri-etik və seksual xarakterli davranış

Bolt platformasından istifadə edən hər kəsin özünü təhlükəsiz və rahat hiss etməsini, hörmətlə qarşılandığını düşünməsini istəyirik. Buna görə də bütün istifadəçilərdən bir-birinə diqqətli yanaşmasını gözləyirik. Başqaları üçün lazımsız narahatlıq və ya təhlükəsizlik riski yaradan davranışlar qəbuledilməzdir və Bolt platformasına giriş imkanının ləğv edilməsinə səbəb ola bilər. Bu qaydalar platformamız vasitəsilə gedişdən əvvəl, gediş zamanı və gedişdən sonra baş tutan bütün qarşılıqlı ünsiyyət hallarına aiddir. Qeyri-etik və seksual xarakterli davranış aşağıdakıları ehtiva edir, lakin aşağıdakılarla məhdudlaşmır:
  • Kiminsə görünüşü, bədəni, gender kimliyi və ya cinsi orientasiyası ilə bağlı şəxsi həyata müdaxilə sayıla biləcək suallar və ya şərhlər
  • Arzuolunmaz və ya eyhamlı cinsi məzmunlu şərhlər, jestlər və ya maraq
  • Açıq-saçıq və ya narahatedici seksual xarakterli məzmunun və ya mesajların paylaşılması

Fiziki təmas

Fiziki təmas başqalarının özünü təhlükədə və ya narahat hiss etməsinə səbəb ola bilər. Ən yaxşısı lazımsız və ya arzuolunmaz təmasdan, o cümlədən toxunmaqdan, tutmaqdan, vurmaqdan və ya qorxuducu görünə biləcək başqa fiziki davranışlardan yayınmaqdır. Məsafə saxlamaq hər kəs üçün təhlükəsiz və qarşılıqlı hörmət mühitində gediş təcrübəsi təmin edir.

Ayrı-seçkilik və nifrət nitqi

Mənşəyindən və ya kimliyindən asılı olmayaraq hər kəs Bolt platformasında hörmətlə qarşılandığını hiss etməlidir. Ayrı-seçkilikdən qorunan əlamətlər əsasında ayrı-seçkilik və ya nifrət nitqinə yol vermək qəbuledilməzdir və Bolt platformasına giriş imkanının ləğv edilməsinə səbəb ola bilər. Bunlara irq və ya etnik mənsubiyyət, din, yaş, cinsiyyət, gender kimliyi, hamiləlik, cinsi oriyentasiya, əlillik və ya milli mənsubiyyət daxildir.

Qəbuledilməz davranış nümunələrinə aşağıdakılar daxil ola bilər:

  • Kiminsə kimliyi ilə bağlı təsəvvürə əsaslanaraq gedişdən və ya xidmət göstərməkdən imtina etmək
  • Köməkçi heyvana görə xidmətdən imtina etmək (emosional dəstək heyvanları daxil deyil)
  • Kiminsə ehtimal edilən kimliyinə görə ödəniş etməkdən imtina etmək və ya ödənişi qəbul etməmək
  • Təhqiramiz sözlərdən və ya nifrət dilindən istifadə etmək
  • Zorakılığı və nifrəti təşviq edən, habelə hər hansı bir şəxsi və ya qrupu insanlıqdan kənarlaşdıran jestlər və ya təsvirlər

Hədə-qorxu və sözlə sataşma

Bolt platformasında şifahi və fiziki daxil olmaqla, qısnamanın bütün növləri yolverilməzdir. Buraya başqalarında qorxu, narahatlıq və ya diskomfort yaradan davranışlar daxildir. Nümunələr:
  • Sözlə təhqir, söyüş və ya (inandırıcılığından asılı olmadan) hədə-qorxu
  • Qorxuducu və ya aqressiv davranış
  • Gedişdən sonra tətbiq və ya digər kanallar vasitəsilə təkrarlanan və ya arzuolunmaz əlaqə cəhdləri
Gediş zamanı ciddi şifahi münaqişə yaranarsa, istifadəçilər mümkün olduqca gərginliyi azaltmağa, gedişi təhlükəsiz yerdə bitirməyə və hadisəni Bolt-a bildirməyə təşviq olunur.

Silahlar və qadağan olunmuş əşyalar

Silahlar və təhlükəli əşyalar lazımsız təhlükəsizlik riski yaradır və Bolt vasitəsilə daşınmalarına icazə verilmir. Bunlara daxildir:
  • Odlu silahlar
  • Partlayıcı maddələr
  • Elektroşoker
  • Bıçaqlar
  • Qorxutmaq və ya zərər vermək üçün istifadə oluna biləcək digər əşyalar
Hər hansı problemlə qarşılaşdıqda, dəstək komandamızla əlaqə saxlayın

Narkotik maddə və spirtli içki

Gediş zamanı narkotik maddədən istifadə və ya spirtli içki qəbul etmək olmaz, belə ki bu davranış hamımızın təhlükəsizliyinə və rahatlığına mənfi təsir edə bilər:
  • Narkotik maddə və ya spirtli içkinin təsiri altında avtomobil idarə etmək qanuna ziddir
  • Sürücü həddən artıq sərxoş təsir bağışlayan sərnişinlərə xidmət göstərməkdən imtina edə bilər
  • Açılmış spirtli içki qablarını və ya qanunla qadağan edilmiş maddələri gediş zamanı özüblə götürmək olmaz
Gediş zamanı kiminsə maddə təsiri altında olduğundan narahat olsanız, bunu Bolt-a bildirə bilərsiniz.

Kimsə qaydaları pozsa, nə olur?

İcmamızın təhlükəsizliyinə ciddi yanaşırıq. Platforma şərtlərimizi pozan hər kəs Bolt platformasına girişdən məhrum ola bilər. Bəzi hərəkətlər yerli qanunları poza, bəziləri isə sadəcə istifadəçi təcrübəsinə zərər verə bilər. Davranış cinayət həddinə çatmasa belə, Bolt istifadəçinin platformaya girişini müvəqqəti dayandıra və ya onu platformadan kənarlaşdıra bilər.

Bu qaydaları pozan davranışla qarşılaşdıqda və ya belə hala şahid olduqda, Bolt tətbiqində məlumat verə bilərsiniz. Komandamız bütün bildirişləri nəzərdən keçirir və lazım olduqda tədbir görə bilər.

Hörmət və diqqət

Təhlükəsiz platformanın əsasını qarşılıqlı hörmət təşkil edir.

Ətraflı

Gediş zamanı təhlükəsizlik

Gedişin təhlükəsizliyinə görə hər kəs məsuliyyət daşıyır.

Ətraflı

Həqiqilik və dürüstlük

Etibarlılıq platformadan kimin istifadə etdiyini bilməyi tələb edir.

Ətraflı